【自助餐放蛇起底组】沙田酒店Tea Buffet!$78任食

食甜品做下午茶係女士们的飞佛。呢间酒店就有个$78 甜品自助餐,主题仲係人气大热的紫薯和甜蜜蜜的朱古力,仲有得任饮茶或咖啡,听落好抵!即刻冲入去起佢底先。

群情汹涌 排队入座 怒抢 甜品

这个 甜品 自助餐其实就星期一至日都有供应,时段为下午2:30到5:30,俾你坐足三粒钟,不过闲日就抵啲,只须$78(未包加一),假日就要$108。价钱平,自然爆场啦。小编当日就拣咗星期四去放蛇试食,前一日打去Book位已经被通知要坐户外位,当日自助餐开始入座前,门口仲出现人龙!有食客话无订枱想walk-in,都要等5-10分钟呀,所以温馨提示你:记得Book位。

【自助餐放蛇起底组】沙田酒店Tea Buffet!$78任食
无呃你,真係要排队入座,而且全部都係Ladies, 甜品 嘅魔力,唔使解释。

放低个袋行去睇下有咩食,发现buffet区已经人头涌涌,一众女士们(包括婆婆)都双眼发光咁望住啲甜品,起势夹满一碟。职员和大厨们都忙住不停Refill餐碟和甜品,每次都原盘换,够快手,抵讚。

【自助餐放蛇起底组】沙田酒店Tea Buffet!$78任食
Buffet刚开始,全部人就陷入抢 甜品 的忘我境界。

 

【自助餐放蛇起底组】沙田酒店Tea Buffet!$78任食
好彩职员们都够快手,秒速原盘refill。

Buffet区唔算大,一边墙身和一个吧檯就睇晒。小编数过,Keep住会密密Refill的 甜品 大约有二十款,全部的的骰骰,等你可以每款都试到。话明係紫薯同朱古力做主题,呢到过半数的 甜品 都对题,包括紫薯栗子挞、紫薯芒果千层酥、朱古力泡芙山、抹茶白朱古力忌廉蛋糕等,另外都会有芝士蛋糕、芒果布甸和果酒啫喱。最有诚意的,莫过于Live Station即製的朱古力心太软和紫薯窝夫,新鲜热辣辣,唔怪得个个都企定定排队攞!

【自助餐放蛇起底组】沙田酒店Tea Buffet!$78任食
一系列紫薯、黑朱古力、白朱古力的 甜品 任你拣

 

【自助餐放蛇起底组】沙田酒店Tea Buffet!$78任食
即製紫薯窝夫,可以自己落手或者叫大厨帮你整。
【自助餐放蛇起底组】沙田酒店Tea Buffet!$78任食
即製的朱古力心太软,胀卜卜,闻落好香。

甜品款式的数量尚算合格,不过老实讲,大部分的 甜品 味道只属一般货色。食一件,你会觉得OK,可以浅嚐,但唔会有意欲再食多件。以下这几款就係小编认为可以Encore的款式。

紫薯窝夫

未熟之前见到淡紫色的粉浆已经觉得颇足料,新鲜出炉的窝夫切开见到紫色就仲靓,食落口感都鬆软,略嫌紫薯味唔够突出,亦无蛋香。好彩Toppings有得任加紫薯蓉、朱古力彩针、花生酱、炼奶等。同紫薯蓉抹在窝夫上同食,紫薯味瞬间Level Up,好香呀。

【自助餐放蛇起底组】沙田酒店Tea Buffet!$78任食

朱古力心太软

造型卖相好完美,中间微微凹陷就知唔会麵粉过多,一放入匙羹,朱古力就好似溶岩咁涌出黎,流心的程度可以话係100分。朱古力味浓郁又香醇,唔会过甜,口感滑溜之余带少量蛋糕质感,係幸福的感觉。加上当日小编坐喺凉风轻轻吹的室外座位,食完即刻觉得暖笠笠。

【自助餐放蛇起底组】沙田酒店Tea Buffet!$78任食

紫薯栗子挞

挤花的技巧明显有待改进,不过胜在挤得够多,填满整个曲奇挞皮。紫薯蓉打得够滑够smooth,味道香甜。挞皮有少少牛油香味,唔会太抢戏之余,和甜甜的紫薯亦好夹。

【自助餐放蛇起底组】沙田酒店Tea Buffet!$78任食

紫薯芒果千层酥

酥皮睇到一层层,而且口感鬆化唔死实,虽然无乜芒果味,得紫薯味,但软滑的吉士酱和紫薯同脆卜卜的酥皮令口感好丰富。

【自助餐放蛇起底组】沙田酒店Tea Buffet!$78任食

同场加映!必食快闪火焰雪山 + 炸芝士蛋糕

话说咁啱想去攞杯茶,又见到buffet区排长龙!原来每日的 甜品 自助餐时段,会快闪推出火焰雪山和炸芝士蛋糕。火焰雪山仲会表演埋将酒精点燃,火烧雪山的一幕,然后就会由大厨分切,派给食客,虽然份量就真係好少,得四份一件。但有幸抢到的小编表示沾沾!不过真係讲运气,事关火焰雪山出场时,係无人通知嘅,除非你坐室内,就会见到。否则好似小编咁坐室外,真係会走宝。建议餐厅职员俾下温馨提示会比较好。

【自助餐放蛇起底组】沙田酒店Tea Buffet!$78任食
蛋白打得够轻够滑,混合雪糕及蛋糕同食,有齐冷热的感觉和口感。

炸芝士蛋糕都是快闪党之一,将细细件的日式芝士蛋糕和美国芝士蛋糕炸成球状,有四款酱汁任拣,一睇竟然发现,除了士多啤梨、芒果酱等的甜味酱汁,仲有泡菜酱,吓到小编眼都突埋。本住冒险精神为大家一试!有惊喜!闻落味道好似煎酿三宝加辣酱,食落外脆内软,芝士味浓郁带鹹香,配泡菜酱原来好惹味,好新奇有趣,即刻连摄影师果份都抢埋嚟食。不过都係果句,一眼关七,先会有得食。

【自助餐放蛇起底组】沙田酒店Tea Buffet!$78任食
炸芝士蛋糕配泡菜酱原来一啲都唔伏,仲好惹味,要试!

识得捉住甜品和紫薯这些女生必冧的潮流,呢个 甜品 自助餐都算叻。不过都有美中不足的中伏位。讲紧嘅就係 甜品 绝不能犯的错误:卖相!小编明白,平价自助餐,卖相绝不会精美到雕花,但以下这几款,真係需要大大改善呀。

这款朱古力慕斯杯,内里的朱古力和绵花糖无乜层次,但洒上面层的朱古力碎却溅出杯边,整个杯身有污渍之余,还有很多半溶的朱古力,小编拎完都觉得痴笠笠,酒店内的 甜品 ,卖相应该不至于此吧?这一款果酒啫喱加入了杂莓粒,可惜杂莓会甩色,渗出果汁,雪冻凝固之后就好似生化武器,化学实验感觉极浓,好惊呀。

【自助餐放蛇起底组】沙田酒店Tea Buffet!$78任食
朱古力装饰飞晒出界,杂莓甩色变成血染啫喱,惊!
【自助餐放蛇起底组】沙田酒店Tea Buffet!$78任食
近看这个果酒啫喱,真係好似做紧实验。

切件蛋糕质感颇削,用蛋糕刀一切就变形塌陷,呈半溶状态,感觉上是解冻太耐,或者雪得唔够冻,整件蛋糕好似比萨斜塔一样,要扣少少分。

【自助餐放蛇起底组】沙田酒店Tea Buffet!$78任食
白朱古力呈半溶状态,面层仲渗出水份,雪得唔够冻。

总结:5 / 10

试食完这个 甜品 自助餐,小编认为只属仅仅合格。 甜品 款式总算呼应到主题,而且睇得出有花心思去谂配搭,虽然大部分的 甜品 味道一般,惊喜不大,但即製的紫薯窝夫、心太软,期间限定的火焰雪山、炸芝士蛋糕都好有gimmick,算係有诚意。而且$78这个价钱可以任食 甜品 ,茶、咖啡都是无限任饮,确实係超抵。兼且可以让你和朋友坐足三个钟,歎茶、食 甜品 、倾计、hea,一次过做晒,几写意,环境都算幽静,平价High-tea而言,试一次都ok嘅。

one+one Bar

地址:沙田白鹤汀街8号帝都酒店大堂(显示地图)

电话:2694 3869

甜品自助餐供应时间:

星期一至日及公众假期 2:30pm – 5:30pm

收费:

星期一至五 $78/位

星期六、日及公众假期 $108/位

备注: 收加一、收信用卡