【自助餐放蛇起底组】旺角$158任食 芝士x部队锅

如果你锺意食部队锅,又中意食芝士,咁啱晒啦!旺角呢间主打部队锅放题的餐厅,最近推出了芝士口味,究竟芝味浓唔浓郁呢?立即去片!

8款自选汤底 配料区选择丰富

未开始睇menu,就已经有几兜前菜俾我哋食,有泡菜、芽菜同黄瓜可以任食,仲可以任添。一路食可以一路谂下叫咩汤底,本身就有8款自选汤锅,有猪骨浓汤、麻辣及药膳汤底等,不过今次我哋要嚟试佢期间限定嘅芝味部队锅,另外肉类就有几款不同套餐,最平$158可以落到楼,包一款严选牛肉及梅豚肉任食,儘管试试佢!

叫咗芝士锅之后,两分几钟后芝士锅、一兜芝士碎、各一碟牛、豚肉就已经上枱啦,都好快手,仲拎埋胶袋同橡筋篮过嚟,俾我哋入住电话同绑头髮,以免打边炉期间整污糟,非常贴心!

芝士锅味道其实唔算超浓郁嗰只,芝士味适中嘅,似韩国芝士汤麵嗰只味,不过如果你觉得唔够喉,都可以自己再加芝士碎落去,但加晒之后如果想再添,就要加$5一兜啦!

【自助餐放蛇起底组】旺角$158任食 芝士x部队锅
平时都有款自选锅,不过我哋今次要试期间限定嘅芝味部队锅!
【自助餐放蛇起底组】旺角$158任食 芝士x部队锅
嘢食上枱后店员会拎胶袋同橡根过嚟,俾我哋放电话同扎头髮,好贴心!

然后就可以出去拎配料,有鱼片串、猪皮、猪大肠、年糕、公仔麵同菜等,行过少少个冻柜仲有熊仔鱼饼、海鲜球、午餐肉、饺子同肠等,几多选择喎!另外饮品都喺任饮,有汽水同收埋一边嘅韩国绿茶。

【自助餐放蛇起底组】旺角$158任食 芝士x部队锅
自助区域有韩式鱼片串、猪皮、猪大肠等。
【自助餐放蛇起底组】旺角$158任食 芝士x部队锅
仲有大量蔬菜、年糕同紫薯年糕。
【自助餐放蛇起底组】旺角$158任食 芝士x部队锅
公仔麵当然唔少得啦!未烚就已经肚饿嘅可以食下唔同味的小饭糰。
【自助餐放蛇起底组】旺角$158任食 芝士x部队锅
部队锅点会咁少嘢食?呢一边冻柜仲有熊仔样鱼饼、年糕包、海鲜球等。
【自助餐放蛇起底组】旺角$158任食 芝士x部队锅
仲有午餐肉、泡菜饺、粉丝饺同肠仔。
【自助餐放蛇起底组】旺角$158任食 芝士x部队锅
饮品汽水可任饮。
【自助餐放蛇起底组】旺角$158任食 芝士x部队锅
仲有放喺一角好miss咗嘅韩国绿茶。

碎湿湿牛肉好难食 高质部队锅配料

任食的牛肉脂肪多,部份更有小黑点,一夹起更加不堪一击,超易烂,食落口感碎湿湿,似俾人食过咁,我食咗一片就无再掂过佢,好难食。豚肉就正常得多,不过由于昆是薄切,唔好渌咁耐。

【自助餐放蛇起底组】旺角$158任食 芝士x部队锅
呢款就喺任食牛肉,脂肪多似喺肥牛,中间有啲小黑点,卖相麻麻。
【自助餐放蛇起底组】旺角$158任食 芝士x部队锅
夹起嗰样原来仲衰,超多窿,一唔小心就会夹烂。
【自助餐放蛇起底组】旺角$158任食 芝士x部队锅
豚肉嗰样靓好多,薄切到见到碟底。

一路食部队锅,店员都好主动上前加汤,汤底芝士味都会淡咗嫁,要keep住加返芝士碎落去,一兜绝对唔够加啰,要加$5再要!

【自助餐放蛇起底组】旺角$158任食 芝士x部队锅
韩式鱼片(上)好弹牙同新鲜,不过豆腐串仲正,又长兼且索埋啲芝士汤汁,好好食!
【自助餐放蛇起底组】旺角$158任食 芝士x部队锅
熊仔头鱼饼(前)虽然有唔同色,但其实食落嗰味喺一样鱼饼味咋,口感都好QQ。福袋喺必食!入面年糕包住猪肉糕,好绵密!厚切午餐肉浸耐啲都无烂,好重猪肉味,好正!
【自助餐放蛇起底组】旺角$158任食 芝士x部队锅
Close up啲个福袋,入面年糕超烟韧,仲有猪肉粒,记住食多几件。
【自助餐放蛇起底组】旺角$158任食 芝士x部队锅
泡菜饺更好食,皮薄爆馅,入面有泡菜、粉丝同猪肉,一食已经feel到辣,好满足!
【自助餐放蛇起底组】旺角$158任食 芝士x部队锅
紫薯年糕入面有番薯馅,不过皮好厚,食返普通年糕好过。
【自助餐放蛇起底组】旺角$158任食 芝士x部队锅
猪皮同猪大肠本身都有调味,不过其实渌完后都无埋味。
【自助餐放蛇起底组】旺角$158任食 芝士x部队锅
部队锅到最后当然要食返个公仔麵啦!不过呢,芝士已经喺加落汤底时用晒,要起码加多$5一兜。
【自助餐放蛇起底组】旺角$158任食 芝士x部队锅
卷物(前)饭粒有啲过腍,唔太好食,后面几粒小饭球口感烟韧,似食紧糯米饭咁,墨鱼味最好食。

甜品有Mousse cake+乳酪

食埋甜品先算完美finish!甜品柜有mousse cake,四四方方细细件,可以试匀咁多款味,mousse都滑嘅,无颗粒,朱古力味最好食。另外都有乳酪机,得一款原味乳酪,仲有彩针、朱古力酱等可自己DIY。

【自助餐放蛇起底组】旺角$158任食 芝士x部队锅
甜品柜有mousse cake,细细件每款味试匀都得。
【自助餐放蛇起底组】旺角$158任食 芝士x部队锅
Mousse cake好顺滑。
【自助餐放蛇起底组】旺角$158任食 芝士x部队锅
仲有乳酪机同配料可自己DIY。

总结:

虽然对比返同类部队锅放题,$158呢个价钱有少少贵,而且芝士要另外加钱都要扣少少分,但嘢食都多选择,大部分味道都唔错。而且服务都OK,店员都有礼貌同会主动加汤。另外90分钟有少少急,不过如果无人喺门口排队的话,店员都会俾我哋继续坐嘅。但平日夜晚7点多8点都已经爆场,门口仲有人等位,所以想慢慢食就早啲去啦。

总分:

7.5/10

【自助餐放蛇起底组】旺角$158任食 芝士x部队锅
坐满后环境有啲迫,而且抽风系统有啲弱,打完边炉有阵味。

【自助餐放蛇起底组】旺角$158任食 芝士x部队锅

KPOT 部队锅

地址: 旺角弥敦道613号飞达商业大厦1楼(显示地图)

电话:2481 1388

部队锅放题供应时间: 4:30pm-2am

美国严选牛肉放题收费: 成人:$158、小童/长者:$108

用餐时间:入座时间起计90分钟

备注:收加一

 

延伸阅读:

流心朱古力与芝士饺子麵包!大件、鬆软、似花师奶

【18区扫食】甜品控召集!西环最强甜品地图